Presidenti amerikan, Donald Trump, ka deklaruar se ka qenë i përfshirë në përpjekjet për arritjen e një armëpushimi në Gaza dhe se palët negociuese “duhet ta bëjnë këtë”.
Ai ka përmendur gjithashtu se disa vende të fuqishme dhe aleate kanë njohur së fundi shtetin palestinez.
“Ky do të jetë një shpërblim për mizoritë e Hamasit”, ka thënë Trumpi para OKB-së të martën.
Në vend që t’u dorëzohet kërkesave të Hamasit për shpërblim, Trumpi ka theksuar se ata që duan paqe duhet të dërgojnë një mesazh të qartë: të lirojnë pengjet tani.
Presidenti amerikan ka shtuar se nuk do të harrojnë kurrë 7 tetorin e vitit 2023, kur Hamasi sulmoi jugun e Izraelit, duke vrarë 1,200 persona dhe duke marrë peng më shumë se 250 të tjerë.
Sinjali – aty ku e vërteta flet para lajmit!