Presidenti amerikan Donald Trump ka hedhur poshtë zërat për një bisedë të mundshme me Elon Musk, duke e quajtur miliarderin e teknologjisë një njeri që “e ka humbur mendjen”.
Në një intervistë për ABC News, Trump është pyetur nëse do të zhvillonte një telefonatë me themeluesin e kompanive Tesla dhe SpaceX. Ai u përgjigj prerë: “Nuk jam veçanërisht i interesuar të flas me të. Ai e ka humbur mendjen”, ka deklaruar Trump, duke shtuar se është Musk ai që dëshiron të flasë me të, por ai vetë “nuk është ende gati për këtë”.
Zanafilla e përplasjes mes dy figurave të njohura nisi pasi Musk kritikoi publikisht projektligjin e Trump për ulje taksash dhe rritje të shpenzimeve.
Miliarderi e kishte cilësuar planin si të rrezikshëm për stabilitetin ekonomik, duke paralajmëruar se mund të çonte në recesion. Ai madje kishte shkruar se Trump nuk mund të fitonte zgjedhjet pa mbështetjen e tij.
Trump nuk e la pa reagim. Në disa postime të ashpra, ai kishte kërcënuar se do të anulonte kontratat qeveritare dhe subvencionet për kompanitë e Musk, përfshirë SpaceX dhe Tesla. Musk, nga ana tjetër, e kishte përmendur Trumpin në kontekstin e dosjeve të Jeffrey Epstein-it, duke e goditur edhe më fort politikisht.
Vetëm brenda një dite, aksionet e Tesla-s ranë mbi 14%, duke shkaktuar humbje prej rreth 150 miliardë dollarësh.
Mëngjesin e së premtes, pas raportimeve për një bisedë të mundshme mes tyre, çmimi i aksioneve u rimëkëmb me rreth 5%, por me zhvillimet e fundit, duket se një dialog Musk-Trump nuk do të ndodhë së shpejti.
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
