Presidenti i SHBA-së, Donald Trump, ka thënë se përfundimisht do të ketë sukses në zgjidhjen e luftës që Rusia po zhvillon kundër Ukrainës.
Trump u mburr edhe një herë se kishte “zgjidhur shtatë luftëra” dhe shtoi se “jemi afër zgjidhjes së një të tete”, transmeton Telegrafi.
“Mendoj se do të përfundojmë duke zgjidhur situatën e Rusisë [luftën në shkallë të plotë të Rusisë kundër Ukrainës], e cila është e tmerrshme. Shtatë mijë njerëz vdiqën javën e kaluar, meqë ra fjala, midis Rusisë dhe Ukrainës. Mendoj se do ta zgjidhim këtë”, tha Trump.
Ai theksoi se nuk beson se “dikush në histori ka zgjidhur kaq shumë”.
Trump tha së fundmi se zgjidhja e luftës së nisur nga Rusia kundër Ukrainës, ka rezultuar të jetë më e vështirë sesa arritja e paqes në Lindjen e Mesme.
Ai gjithashtu vuri në dukje se tarifat janë një pjesë e rëndësishme e aftësisë së tij, për të bërë marrëveshje paqeje. /Telegrafi/