Kampioni aktual i Kosovës në basketboll, po vazhdon serinë e rezultateve pozitive.
Mitrovicasit sonte e mposhtën lehtë Proton Cable Prizrenin, me rezultat 110-79, raporton Klankosova.tv.
Që në fillim të këtij ballafaqimi, vendasit treguan “dhëmbët”, duke shënuar 25 pikë, kurse kundërshtarin e lejuan t’i realizojë vetëm 8 sosh.
Edhe 10 minutëshin e dytë “Torcida” e mbylli me numër të njejtë të pikëve, veçse kësaj here ishin prizrenasit ata që arritën 30 pikë.
Ky ballafaqim nuk pati më histori, pasi Trepça e mbylli fraksionin e tretë 29-18 dhe të katërtin 31-23, njofton Klankosova.tv.
Pas 12 xhirove, fituesi i krejt trofeve në edicionin e kaluar, vazhdon ta kryesojë renditjen tabelare në Procredit Superligën e Kosovës me 22 pikë, pasi ka 10 fitore e vetëm dy humbje.
Nga ana tjetër PCP është në vendin e parafundit, me 3 fitore e plot 9 humbje.
Nesër në Gjakovë, Vëllaznimi e pret Borën, ndeshje kjo që nis nga ora 17:00 dhe transmetohet kanalin Sport 1 të paltformës ArtMotion, kurse dy orë më vonë, në palestren “Sezair Surroi” në Prizren, zhvillohet derbi “04”, ku Bashkimi është nikoqir i Golden Eagle Yllit. Ky duel transmetohet në Sport 3.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
