Tre punëtorë u vranë dhe një është i zhdukur pas një shpërthimi në një impiant për menaxhimin e mbeturinave pranë Casertës, në veri të Napolit.
Shpërthimi ndodhi në impiantin Ecopartenope në Marcianise, në provincën e Casertës, shkruajnë mediat e huaja.
Sipas informacioneve fillestare nga zjarrfikësit, shpërthimi ndodhi gjatë punimeve të mirëmbajtjes në objektet e kompanisë së menaxhimit të mbeturinave.
Një person i katërt thuhet se është i zhdukur.
Disa ekipe zjarrfikëse janë në vendngjarje.
Tre viktimat, përfshirë pronarin, besohet se kanë vdekur nga vala e goditjes e shkaktuar nga shpërthimi i një rezervuari vaji të përdorur.
Ndërsa dy punëtorë të tjerë pësuan lëndime të lehta.
Ndryshe, të tre të ndjerit po punonin në një depo të kompanisë dhe u hodhën disa metra në ajër nga shpërthimi. /Telegrafi/