Të paktën tre persona kanë humbur jetën dhe mbi 100 të tjerë janë plagosur si pasojë e një rakete të lëshuar nga Irani që goditi një ndërtesë banimi në qytetin bregdetar izraelit të Bat Yam herët në mëngjes, njofton policia izraelite, shkruan Gazeta Sinjali.
Autoritetet thanë se disa nga të plagosurit janë në gjendje të rëndë dhe janë duke u trajtuar në spitalet e Tel Avivit dhe qyteteve përreth. Sulmet kanë përfshirë gjithashtu edhe qytetin e Rehovotit, ku raportohen dëme të konsiderueshme materiale.
Ndihmësit e parë në vendin e ngjarjes deklaruan se ndërtesa në Bat Yam është në rrezik të shembjes për shkak të dëmeve të mëdha strukturore.
Sinjali – aty ku e vërteta flet para lajmit!
