Një ngjarje e rëndë ka ndodhur mbrëmjen e së martës në qytetin e Elbasanit, ku një fëmijë vetëm 6 vjeç është gjetur i pajetë pranë lumit Shkumbin.
Sipas njoftimit zyrtar nga Policia e Elbasanit, rreth orës 19:50, shtetasja D. A. ka raportuar për zhdukjen e nipit të saj, i cili nuk ishte kontaktuar për më shumë se tre orë.
Forcat e policisë nisën menjëherë kërkimet intensive në zonën përreth.
Rreth orës 21:30, trupi i pajetë i fëmijës u gjet buzë lumit në lagjen “Çezme”. Nuk janë konstatuar shenja dhune, ndërsa hetimet e para tregojnë se i mituri dyshohet të jetë mbytur aksidentalisht.
Policia njofton se materialet procedurale janë referuar në Prokurorinë e Elbasanit, e cila do të vijojë hetimet për zbardhjen e plotë të ngjarjes.
Sinjali – aty ku e vërteta flet para lajmit!
