Në pasditen e sotme në rrugën “Zahir Pajaziti” në Podujevë, një person është therur dhe dërguar për trajtim mjekësor.
Drejtori i Klinikës Emergjente, Naser Syla, tha për Sinjalin se i plagosuri ndodhet në gjendje të rëndë dhe jo stabile.
”Është sjellë në QE një rast nga Podujeva me plagë nga mjeti i ftohët, janë kryer ekzaminimet e nevojshme, pacienti u dërgua në sallë për intervenim kirurgjik nga ekipët e anestezionit, kirurgjisë abdominale dhe asaj torakale. Gjendja është e rëndë dhe jo stabile.”, ka thënë Syla.
Lajmin e ka konfirmuar edhe zëdhënësja e Policisë për Rajonin e Prishtinës, Flora Ahmeti, e cila tha se lidhur me rastin, policia ka arrestuar personin e dyshuar.
Sinjali – aty ku e vërteta flet para lajmit!