Teatri Dodona ka reaguar pas lajmit për ndarjen nga jeta të aktorit dhe regjistorit të njohur, Enver Petrovci.
Ai ishte bashkëthemelues i Teatrit Dodona dhe Shkollës së Aktrimit në Prishtinë, duke lënë gjurmë të rëndësishme në formimin e brezave të rinj të aktorëve.
Enver Petrovci (1954-2025) telegrafi.com
Në një postim në Facebook, Teatri Dodona shkroi:
U shua zëri i një epoke. Sot i japim lamtumirën Enver Petrovcit, një njeriu që nuk ishte vetëm aktor, por vetë teatri, vetë fjala, vetë shpirti i skenës shqiptare. Ai ishte dhe do të mbetet një ikonë kulturore, që e ndërtoi dhe e mbrojti teatrin shqiptar me mish e me shpirt, në kohë të vështira dhe të lavdishme. Shkëlqimi i tij nuk do të zbehet kurrë. Prehu në paqe, Enver”.
Ky reagim thekson kontributin e jashtëzakonshëm të Petrovcit në teatrin dhe kulturën shqiptare dhe rolin e tij të çmuar si udhëheqës dhe frymëzim për artistët e rinj.
Sot (e martë), në orën 17:00, do të mbahet varrimi i të ndjerit në varrezat e qytetit në Prishtinë. /Telegrafi/