Taylor Swift publikoi të dielën në Instagram fotografi prapa skenave nga videoklipi i saj më i fundit për këngën The Fate of Ophelia, pjesë e albumit të 12-të The Life of a Showgirl.
Këngëtarja 35-vjeçare shfaqet me kostume ekstravagante, duke përfshirë një korse të kuqe dhe doreza opere, ndërsa flokët e saj bionde-platini janë të stiluar me kaçurrela.
Videoklipi u xhirua si një performancë live dhe përmban skena të frymëzuara nga deti, si dhe një interpretim të Ofelias së Shakespeare, shkruan DailyMail.
Kënga u transmetua 30.9 milionë herë në Spotify në 24 orët e para, ndërsa albumi i ri arriti 250 milionë transmetime globale në ditën e parë, duke shënuar numrin e dytë më të lartë ndonjëherë.
Videoklipi u shfaq premierë gjatë eventit The Official Release Party of a Showgirl, një film 89-minutësh që debutoi ekskluzivisht në kinematë AMC.
Përveç kësaj, Taylor publikoi katër versione të kufizuara të albumit me këngë bonus akustike, të disponueshme për një periudhë të kufizuar. /Telegrafi/
