Pavarësisht se presidenti amerikan, Donald Trump, ka hequr disa prej tarifave të vendosura më herët, pjesa tjetër e tyre pritet të shkaktojë dëme të konsiderueshme financiare për qytetarët amerikanë.
Sipas një hulumtimi të publikuar të enjten nga Laboratori i Buxhetit në Universitetin Yale, tarifat e fundit të vendosura nga Trump do t’i kushtojnë një familjeje tipike amerikane rreth 3443 dollarë në vit.
“Tarifmagedoni nuk ka mbaruar”, shkroi profesori i ekonomisë në Universitetin e Michigan, Justin Wolfers, në platformën X, duke komentuar pasojat e masave tregtare të ndërmarra nga administrata Trump.
Studimi vlerëson se nëse merren parasysh edhe tarifat e reja ndaj Kinës, që arrijnë deri në 145 për qind, kostoja për familjet me të ardhura më të larta se mesatarja do të jetë edhe më e rëndë, deri në 4400 dollarë në vit.
Analiza tregon se, edhe pas rregullimeve për zëvendësimin e produkteve kineze me ato nga vende të tjera, konsumatori mesatar pritet të pësojë një humbje prej 2600 dollarësh në vit.
Veçanërisht, më të prekur do të jenë amerikanët me të ardhura më të ulëta, të cilët do të goditen në mënyrë disproporcionale në raport me të ardhurat e tyre.
Ekonomistët paralajmërojnë se lufta tregtare do të ngadalësojë dukshëm ekonominë e SHBA-së. Sipas Laboratorit të Buxhetit, kombinimi i tarifave amerikane për importet dhe hakmarrja tregtare nga vendet e tjera pritet të ulë rritjen e GDP-së me 1 përqind dhe të rrisë shkallën e papunësisë me 0.5 për qind.
Kjo përkthehet në rreth 685 mijë vende pune më pak deri në fund të vitit, sipas të njëjtës analizë.
Sipas raportit, tarifat më të fundit të Trumpit e kanë çuar normën mesatare efektive të tarifave në SHBA në 25.3 për qind – niveli më i lartë që nga viti 1909. Edhe pas pauzës 90-ditore të njoftuar nga Trump, norma mesatare e tarifave do të mbetet e lartë, në 18.1 për qind – më shumë se çdo kohë tjetër që nga viti 1934.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
