Një akt i tmerrshëm dhune ka tronditur komunitetin e Minneapolisit, ku një burrë hapi zjarr ndaj një grupi nxënësish që po luteshin në një kishë lokale, duke vrarë dy fëmijë dhe plagosur 18 të tjerë.
Autori i sulmit është identifikuar si Robin Westman, ndërsa hetuesit kanë thënë se ai nuk kishte ndonjë motiv specifik.
“Sulmuesi duket sikur na urrente të gjithëve”, tha Shefi i Policisë së Minneapolis, Brian O’Hara, në një deklaratë për mediat ditën e enjte.
Ai shtoi: “Më shumë se çdo gjë tjetër, autori i vrasjes donte të vriste fëmijë”, raportoi BBC.
Hetuesit kanë theksuar se Westman ishte “i fiksuar me idenë e vrasjes së fëmijëve”, sipas gjetjeve të para të hetimit.
Dy fëmijët që humbën jetën në këtë tragjedi janë identifikuar nga familjet e tyre si Fletcher Merkel, 8 vjeç, dhe Harper Moyski, 10 vjeç.
Sulmi ka shkaktuar reagime të forta nga komuniteti lokal, udhëheqës fetarë dhe autoritetet, ndërsa hetimet janë ende në zhvillim.
Sinjali – aty ku e vërteta flet para lajmit!