Po dalin më shumë detaje lidhur me sulmet izraelite të pasdites së sotme në Teheran, me zona të populluara dendur të kryeqytetit iranian që janë vënë në shënjestër, mëson CNN.
Ato përfshijnë tre kryqëzime të ngarkuara në qytet: Sheshi Tajrish dhe Sheshi Quds, Rruga Shariati dhe Sheshi Valiasr.
Tajrish është vendndodhja e një qendre të madhe tregtare, ndërsa Rruga Valiasr konsiderohet një nga arteriet kryesore dhe qendrat tregtare të Teheranit.
Goditja në Sheshin Quds në Tajrish ndodhi 50 metra larg Spitalit Shohada, një qendër e madhe shëndetësore në pjesën veriore të Teheranit.
Ushtria e Izraelit më herët ka deklaruar se po shënjestronte komplekse ushtarake dhe bërthamore në Iran, megjithatë nuk ka komplekse të tilla të njohura në këto zona të kryeqytetit.
Sinjali – aty ku e vërteta flet para lajmit!
