Një sulm masiv me dronë dhe raketa ruse ndodhi gjatë natës ndaj Kievi. Kryeqyteti ukrainas u shënjestrua nga dronët dhe raketat ruse, së bashku me qytete të tjera, përfshirë Kharkivin dhe Zaporizhzhian.
Siç raportohet nga faqja e internetit Kyiv Independent, autoritetet lokale raportuan dëme në ndërtesa banimi dhe infrastrukturë civile.
Shpërthimet e para ndodhën në kryeqytetin ukrainas rreth orës 4 të mëngjesit sipas orës lokale, ndërsa sistemet e mbrojtjes ajrore ukrainase shënjestruan objektivat hyrëse.
Kryetari i bashkisë së Kievit, Vitali Klitschko, konfirmoi se mbrojtja ajrore ishte aktivizuar në qytet dhe i paralajmëroi banorët të qëndronin në vende të sigurta, shkruan A2 CNN.
Kanalet e monitorimit raportuan gjithashtu për lëshimin e mundshëm të raketave shtesë nga avionët rusë. Zjarre u raportuan në një pronë private në lagjen Holosiivskyi, ndërsa një shtëpi dykatëshe u përfshi nga flakët në lagjen Pecherskyi pas sulmit.
Ndërkohë, një takim dypalësh midis Ukrainës dhe Shteteve të Bashkuara është planifikuar në Gjenevë të Zvicrës, me qëllim përgatitjen e një takimi të ri trepalësh Moskë-Kiev-Uashington.
Këshilltari i Vladimir Putinit për investimet e huaja, Kirill Dmitriev, planifikon të udhëtojë për në Gjenevë të enjten për t’u takuar me negociatorët amerikanë.
“Dmitriev planifikon të vijë në Gjenevë për të vazhduar negociatat me amerikanët mbi çështjet ekonomike”, tha një burim anonim për agjencinë ruse të lajmeve Tass.
Sinjali – aty ku e vërteta flet para lajmit!
