Pesë studente të Fakultetit Juridik të Universitetit të Prishtinës janë kthyer të lumtura nga Gjermania, pasi shënuan sukses të madh në garën prestigjioze ndërkombëtare “Nuremberg Moot Court 2025”.
Ato u renditën në vendin e 6-të në mesin e 40 universiteteve që arritën në rundet finale me gojë, ndërsa fillimisht në fazën e shkrimit kishin konkurruar mbi 140 ekipe nga universitetet më të njohura në botë.
Trajnerja e ekipit, Nisa Ferati, tha në emisionin “Ora 7” në Klan Kosova se pjesëmarrja në këtë garë ka qenë një nder i madh.
“Është një punë që e bëjmë me shumë përkushtim dhe këtë vit gjithçka shkoi shumë mirë. Mbështetjen e kemi pasur të vazhdueshme nga fakulteti, dekani e gjyqtarët që kanë qenë gjithmonë të gatshëm të na ndihmojnë”, theksoi ajo.
Ndiqni intervistën e plotë nga vajzat, në videon vijuese:
5 studentet e Fakultetit Juridik të UP-së zënë vendin e 6-të në garën e drejtësisë në Gjermani
The post Studentet që bënë krenarë shtetin – kthehen plot sukses nga Gjermania (VIDEO) appeared first on Klan Kosova.
