Mbrëmë u kompletua 16-shja e Champions League.
Nga playoff-i kualifikimin e siguruan: Real Madrid, Bayern Munich, PSG, Borusia Dortmund, Club Brugge, PSV, Feyenoord dhe Benfica.
Këto skuadra iu bashkuan: Liverpool, Barcelona, Arsenal, Inter, Atletiko Madrid, Bayer Leverkusen, Lille dhe Aston Villa, që siguruan plasmanin direkt nga tetë vendet e para, në fazën e ligës.
Kurse, sonte do të kompletohen edhe 16 skuadra nga Europa League.
Tetë skuadra janë në pritje të sigurimit të një vendi në këtë fazë.
Katër ndeshje luhen nga ora 18:45.
Roma do të kërkojë ta rrëzojë Porton, ish-skuadrën e Jose Mourinhos.
Ndeshje e parë mes këtyre ekipeve përfundoi 1:1.
Bodo Glimt-Twente, do të jetë përballja e dytë.
Holandezët e kanë një epërsi minimale nga loja e parë, me rezultat 2:1.
Steaua Bukuresht do të përballet me Paokun grek.
Rumunët përballjen e parë e fituan me rezultat 2:1, njofton Klankosova.tv
Derisa Galatasaray do të luajnë përballë Az Alkmaarit.
Turqit janë në disavantazh prej 3 golash nga ndeshja e parë, ku holandezët fituan me rezultat 4:1.
Katër lojë të tjera luhen me fillim nga ora 21:00.
Ajax takohet me belgët e Union St Gilloise.
Përballjen e parë holandezët e fituan me rezultat 2:0.
Epërsi të thellë kanë krijuar Fenerbahçe.
Skuadra turke fitoi me rezultat 3:0, ndaj Anderlechtit, në përballjen e parë.
Një hap para, kanë bërë edhe spanjollët e Real Sociedad ndaj FC Midtjylland, me rezultat 2:1.
Derisa përballja e fundit, por jo më pak e rëndësishme zhvillohet mes Viktoria Plzenit dhe Ferencvarosit.
Hungarezët kanë një epërsi minimale prej 1:0 ndaj çekëve.
Mbetet të shihet se cilat skuadra do të ecin tutje në mesin e 16-të më të mirave.
Ndeshjet e Europa League transmetohen ekskluzivisht në platformën më të madhe televizive, Artmotion./ Klankosova.tv
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
