Sot shënohen 35 vjet që nga lirimi i Adem Demaçit nga burgjet e Jugosllavisë – një figurë simbol e qëndresës shqiptare dhe mbrojtjes së të drejtave njerëzore në hapësirat e ish-Jugosllavisë, raporton Gazeta Sinjali.
Më 21 prill 1990, pas pothuaj tri dekadash të kaluara nëpër burgje famëkeqe si ajo e Stara Gradishkës, Demaçi u prit madhërisht nga mijëra qytetarë në Prishtinë, të cilët kishin pritur me vite kthimin e njeriut që nuk u përkul asnjëherë.
Demaçi ishte burgosur për herë të tretë më 6 tetor 1975 në Prishtinë, si pjesë e një vale të gjerë arrestimesh politike që preku shqiptarët në Kosovë, Maqedoni, Mal të Zi dhe viset tjera të banuara me shqiptarë. Ai dhe 18 të tjerë u dënuan pas një procesi të montuar politik, me akuza të bazuara në dëshmi të rreme. Edhe pse i pafajshëm, Demaçi priti dënimin me buzëqeshje, i bindur se rruga e lirisë nuk ndalet me burgosje.
Pas lirimit, Demaçi nuk u mbyll në heshtje. Në intervistën e tij të parë për mediat sllovene, ai nuk shfaqi urrejtje, por zgjodhi të fliste për pajtim, barazi dhe liri për të gjithë popujt e Ballkanit. Në një fjalim në Lubjanë, ai u shpreh kundër zgjidhjeve të dhunshme dhe paralajmëroi për rrezikun që paraqiste politika shkatërruese e Millosheviqit për stabilitetin e Jugosllavisë.
Demaçi u bë zëri i ndërgjegjes kombëtare dhe morale. Ai udhëhoqi Këshillin për të Drejtat dhe Liritë e Njeriut nga viti 1990 deri më 1995, dhe në vitin 1991 u nderua me Çmimin Saharov për Liri të Mendimit nga Parlamenti Evropian.
Gjatë luftës së fundit në Kosovë, ai shërbeu si zëdhënës politik i UÇK-së, duke përfaqësuar zërin e shqiptarëve në tryezat ndërkombëtare. I njohur si “Mandela i Evropës”, Adem Demaçi mbeti një shembull frymëzimi për qëndresë paqësore dhe angazhim të palëkundur për të drejtat e njeriut. Ai ndërroi jetë në korrik të vitit 2018, por trashëgimia e tij vazhdon të jetojë në ndërgjegjen e popullit shqiptar dhe përtej kufijve të tij.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
