Një takim mes zyrtarëve të lartë amerikanë dhe evropian është zhvilluar të premten në Uashington, D.C., në kuadër të angazhimeve për dialogun Kosovë–Serbi.
Zyrtari i lartë i Departamentit të Shtetit të SHBA-së, Brendan Hanrahan, është takuar me emisarin e Bashkimit Evropian për dialogun, Peter Sorensen. Takimi është mbajtur rreth orës 11:15 sipas orës lokale dhe ka qenë i mbyllur për media.
Megjithatë, sot është dhënë një deklaratë nga diplomati danez. Ai ka bërë të ditur se gjatë takimit është diskutuar për dialogun Kosovë–Serbi, janë shqyrtuar arritjet e fundit dhe është siguruar harmonizimi i veprimeve për hapat e ardhshëm.
“Takim i shkëlqyer me zyrtarin e Lartë të Byrosë Brendan Hanrahan në Departamentin e Shtetit. Diskutuam dialogun, shqyrtuam arritjet e fundit dhe siguruam harmonizimin në hapat përpara”, ka shkruar Sorensen.
Great meeting with Senior Bureau Official Brendan Hanrahan @StateEUR at the State Department. We discussed the Dialogue, reviewed recent achievements, and ensured alignment on the steps forward. pic.twitter.com/241vmqAsuo
— EUSR for Belgrade-Pristina Dialogue (@EUSR_Dialogue) March 21, 2026
Vizita e Sorensenit në SHBA vjen pas dakordimit të fundit me Qeverinë e Kosovës, të udhëhequr nga Albin Kurti, lidhur me Ligjin për të Huajt.
Sinjali – aty ku e vërteta flet para lajmit!
