Berat Nimani është shpallur në kërkim nga Gjykata e Qarkut në Bielefeld nën dyshimet për tentim vrasje. Ai po shihet si i dyshuari kryesor për plagosjen e katër personave të mërkurën para Gjykatës së Qarkut në Bielefeld, raportojnë mediat gjermane.
Të enjten, policia gjermane ka lëshuar disa komunikata lidhur me rastin, ku në mesin e të cilave ka vënë në kërkim edhe Berat Nimani.
Policia ka dhënë informata të hollësishme për Nimanin, teksa ka kërkuar ndihmë nga qytetarët për lokalizimin e tij.
“Gjyqtari hetues i Gjykatës së Qarkut në Bielefeld lëshoi një urdhërarrest ndaj këtij personi për katër akuza për tentim vrasje, që përfunduan me lëndime të rënda trupore”, thuhet në deklaratën e përbashkët të Prokurorisë dhe Policisë së Bielefeldit.
Në ditën e parë të seancës gjyqësore, Berat Nimani kishte thënë për “Bild” se një nga vrasësit e Besarit është ende i lirë dhe se që nga vdekja e Besarit kanë jetuar me frikë të vazhdueshme.
Avokati i Nimanit, Peter Wuller, ka thënë se klienti i tij insiston në pafajësi dhe do të dorëzohet në ditët në vijim.
“Kam pasur disa kontakte me z. Nimani menjëherë pas aktit shumë gjakftohtë në mes të ditës në Bielefeld. Ai më kërkoi ta përfaqësoja. E gjithë situata është shumë konfuze. Pasi ta kem marrë një pasqyrë të plotë të rastit dhe të flas me prokurorin publik, klienti im do të shkojë në polici e do të dorëzohet”, tha Wuller.
“Berat Nimani më siguron për pafajësinë e tij dhe thotë se nuk kishte asnjë lidhje me të shtënat para gjykatës së qarkut”.
Dëshmitarët pretendojnë se kanë parë Berat Nimanin dhe motrën e tij në një makinë të zezë që u largua nga vendi i ngjarjes.
Pjesëmarrësit në gjyq po ashtu vunë re se të dy u larguan para kohe nga salla e gjyqit.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
