Shtetet e Bashkuara të Amerikës e kanë etiketuar zyrtarisht Kolumbinë si vend që “ka dështuar në mënyrë të dukshme” për të përmbushur detyrimet në kontrollin e trafikut të drogës.
Megjithatë, SHBA-ja nuk ka marrë ende vendim për të ndërprerë ndihmat amerikane për Kolumbinë.
Çdo vit, Qeveria e SHBA-së publikon një listë të vendeve që nuk bashkëpunojnë plotësisht në luftën kundër narkotikëve, dhe ato që konsiderohen jobashkëpunuese rrezikojnë të humbasin fondet amerikane.
Të hënën, administrata Trump deklaroi se prodhimi i kokainës në Kolumbi kishte arritur nivele rekorde nën qeverisjen e presidentit të majtë, Gustavo Petro, një deklaratë që udhëheqësi kolumbian e mohoi, raporton BBC.
Në përgjigje, qeveria kolumbiane njoftoi se do të ndalonte blerjen e armëve nga SHBA-ja.
Ministri i Brendshëm i Kolumbisë, Armando Benedetti, konfirmoi vendimin për ndalimin e blerjes së armëve amerikane.
Vendet e tjera që SHBA-të thanë se nuk kishin arritur të përmbushnin objektivat e tyre ishin Afganistani, Bolivia, Myanmari dhe Venezuela.
Kolumbia u shtua në listë për herë të parë që nga viti 1997.
Sinjali – aty ku e vërteta flet para lajmit!