Rusia e goditi Ukrainën me sulme me raketa dhe dronë gjatë natës së të shtunës dhe deri në mëngjesin e së dielës, duke u përqendruar në qytetin kryesor perëndimor të Lvivit.
Fqinji i Ukrainës, Polonia, ngriti në ajër aeroplanët luftarakë për të garantuar sigurinë e hapësirës ajrore polake, konfirmoi ushtria polake.
Gjithashtu u vendosën aeroplanë të NATO-s.
Kreu rajonal i Lvivit, Maksym Kozytskyi, tha se dy persona u vranë në sulmet në rajon dhe dy të tjerë u plagosën.
Diku tjetër, Rusia shënjestroi përsëri termocentralet e Ukrainës – dhe njëra u godit në një sulm gjatë natës në Zaporizhzhia, ku kryebashkiaku tha se një person vdiq dhe më shumë se 73,000 njerëz mbetën pa energji elektrike.
Sulmet ruse vijnë disa ditë pasi një zyrtar amerikan tha se SHBA-të do të mbështesnin Ukrainën për të nisur sulme të thella brenda territorit rus.
“Aeroplanët polakë dhe aleatë po operojnë në hapësirën tonë ajrore, ndërsa sistemet e mbrojtjes ajrore tokësore dhe të zbulimit me radar janë sjellë në gjendjen më të lartë të gatishmërisë”, tha komanda operative e Polonisë. /Telegrafi/