Pjesë e Real Madridit më nuk është, veç në aftësitë e ekipit të dikurshëm Cristiano Ronaldo po beson fort.
Ai gjatë një interviste në Çmimet Globale të Futbollit këtë të premte, mbështeti skuadrën që kohë më parë shënonte gola për të, si një kandidate për fitimin e këtij sezoni të Ligës së Kampionëve.
Sipas yllit portugez, kush vë bast për klubin madrilen,i trashet gjepi.
“Nëse do të vini bast për një ekip në Ligën e Kampionëve, vini bast për Real Madrid,” deklaroi 39-vjeçari, shkruan Onefootball.com, përcjell Klankosova.tv.
Real Madrid, nën udhëheqjen e trajnerit Carlo Ancelotti, janë kampionët në fuqi të Europës, pasi mundën Borussia Dortmund-in në finalen e Ligës së Kampionëve më herët këtë vit, duke arritur titullin e 15-të në histori.
Ky triumf i shtoi më shumë lavdim klubit, duke e bërë atë ekipin me më shumë tituj në këtë kompeticion, më shumë se dyfishin e fitoreve të çdo klubi tjetër.
Ronaldo këtë të premte u shpall lojtari më i mirë në Lindjen e Mesme.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
