Sot shënohen 26 vjet nga fillimi i misionit ushtarak të NATO-s në Kosovë, KFOR-i, një ngjarje kyçe që solli paqen në vend dhe rrugën drejt çlirimit.
Vendi caktoi datën 12 qershor si Ditë të Paqes, duke e lidhur atë me ditën e çlirimit.
Në këtë përvjetor, ambasadori i Gjermanisë në Kosovë, Jorn Rohde, ka publikuar një mesazh në profilin e tij në “BlueSky”, duke cituar fjalët e ish-Sekretarit të Mbrojtjes Britanike dhe Sekretarit të Përgjithshëm të NATO-s, Lord Robertson.
“Qëllimi ishte që forcat e Millosheviqit të largoheshin, NATO të hynte dhe refugjatët të ktheheshin”.
“Misioni u përmbush. Kosova shpalli pavarësinë në vitin 2008 dhe është një histori suksesi. Gjermania është dhe mbetet ndër partnerët më të ngushtë të Kosovës”, tha Rohde.
Sinjali – aty ku e vërteta flet para lajmit!
