Ferrari 849 Testarossa është një rikujtim për origjinalin e famshëm të viteve të 80-ta.
Hibridi i ri plug-in me tërheqje në të gjitha rrotat, i cili u prezantua në Milano, do të zëvendësojë SF90 Stradale të vitit 2019 në krye të gamës së Ferrarit.
Një version me çati të tërheqshme, i quajtur “merimangë”, do të jetë gjithashtu i disponueshëm, transmeton Telegrafi.
Motori i tij me tetë cilindra 4.0 litra turbo, i vendosur në qendër, i cili zhvillon 830 kuaj fuqi, është i çiftëzuar me tre motorë elektrikë.
Fuqia totale e sistemit është 1,050 kuaj fuqi, që është 50 kuaj fuqi më shumë se SF90 Stradale.
Sipas kompanisë, shpejtësia maksimale e automjetit është mbi 330 km/orë.
Përshpejtimi nga 0 në 100 km/orë duhet të jetë i mundur në vetëm 2.2 sekonda, ndërsa përshpejtimi nga 0 në 200 km/orë duhet të zgjasë vetëm 6.3 sekonda.
Çmimi fillestar për versionin kupe është 460,000 euro, ndërsa versioni “merimangë” do të kushtojë 500,000 euro.
Dërgesat e para për klientët në Evropë janë planifikuar për tremujorin e dytë dhe të tretë të vitit të ardhshëm.
Dërgesat në Shtetet e Bashkuara priten tre muaj më vonë, me çmime më të larta për shkak të taksave të importit.
Nën udhëheqjen e CEO-s, Benedetto Vigna, Ferrari vazhdon të prezantojë modele të reja dhe në të njëjtën kohë përgatitet për automjetin e saj të parë elektrik, premiera e të cilit është planifikuar për pranverën e ardhshme.
Vigna konfirmoi se kompania do të vazhdojë të prodhojë makina me benzinë dhe hibride përveç atyre elektrike.
Në prill, Ferrari lançoi modelin e ri hibrid 296 Speciale dhe versionin e tij të kabriolet, bazuar në Ferrari 296 të vitit 2021, i cili po i afrohet fundit të ciklit të tij jetësor.
Në korrik, kompania prezantoi gjithashtu modelin Amalfi coupe me motor vetëm me benzinë, i cili zëvendëson dhe përmirëson modelin e suksesshëm Roma të vitit 2019 në segmentin fillestar. /Telegrafi/