Reshjet e dendura të shiut gjatë orëve të paradites dhe drekës kanë shkaktuar largimin e pushuesve nga plazhet e Velipojës dhe Shëngjinit, duke rezultuar në një trafik të rënduar në rrugët kryesore dhe dytësore të qarkut Lezhë.
Top Channel raporton se për më shumë se dy orë, qarkullimi në aksin Shkodër–Lezhë dhe Lezhë–Milot është ngadalësuar ndjeshëm, ndërsa drejtuesit e mjeteve kanë hasur vështirësi të mëdha, sidomos në daljen nga Shëngjini, ku janë formuar radhë të gjata.
Rrugët dytësore gjithashtu kanë pësuar bllokime për shkak të fluksit të shtuar të automjeteve. Për të lehtësuar situatën, policia rrugore është vendosur në akset kryesore dhe në kryqëzimet më problematike. Edhe pse reshjet kanë pushuar, fluksi i lëvizjes së automjeteve vazhdon të mbetet i lartë.
Sinjali – aty ku e vërteta flet para lajmit!