Shefi ekzekutiv i Tesla-s, Elon Musk, ka paralajmëruar se do të reduktojë përfshirjen e tij në administratën e presidentit Donald Trump, pas rënies së ndjeshme të të ardhurave dhe fitimeve për kompaninë e tij në tremujorin e parë të vitit 2025.
Elon Musk njoftoi se do të reduktojë ndjeshëm kohën që i kushton angazhimit të tij në administratë duke filluar nga muaji i ardhshëm.
Ai tha se do të merret me çështjet qeveritare vetëm një deri në dy ditë në javë, duke theksuar se kjo do të ndodhë për aq kohë sa presidenti e sheh të arsyeshme dhe sa kohë që angazhimi i tij mbetet i dobishëm.
Musk është aktualisht i përfshirë në iniciativën qeveritare për uljen e shpenzimeve dhe reduktimin e fuqisë punëtore federale, të njohur si “Doge”.
Musk konfirmoi se do të reduktojë ndjeshëm kohën e tij të angazhimit në këtë projekt, duke theksuar se do të përqendrohet më shumë në drejtimin e Tesla-s.
Sipas raportit financiar të publikuar të martën, Tesla shënoi një rënie prej 20% në të ardhurat nga shitja e veturave, ndërsa fitimet u tkurrën me mbi 70% në krahasim me të njëjtën periudhë të vitit të kaluar.
Përballë rezultateve zhgënjyese, kompania nuk ofroi ndonjë parashikim për rritjen e ardhshme, ndërsa paralajmëroi se “ndryshimi i ndjenjës politike” mund të ndikojë negativisht në kërkesën për produktet e saj.
Përfshirja e tij në politikë ka nxitur protesta dhe bojkotime ndaj Tesla-s në disa tregje, ndërsa vetë Musk pranoi se angazhimi i tij në administratën Trump ka larguar vëmendjen nga përgjegjësitë brenda kompanisë.
Ai ka kontribuar financiarisht në fushatën për rizgjedhjen e Trump, si dhe ka udhëhequr një nismë për reduktimin e stafit dhe shpenzimeve të qeverisë federale.
Sakaq, kompania është përballur edhe me sfida të tjera, si tarifat tregtare të vendosura nga SHBA ndaj Kinës, që kanë ndikuar në zinxhirin e furnizimit.
Tesla varet nga shumë komponentë të prodhuar në Kinë, çka ka rritur koston e prodhimit dhe ka thelluar presionin mbi fitimet.
Në përditësimin tremujor, Tesla raportoi 19.3 miliardë dollarë të ardhura, më pak se pritshmëritë e analistëve prej 21.1 miliardë dollarësh.
Rënia e shitjeve, e cila arriti në 13% në tremujorin e parë, përbën nivelin më të ulët në tre vitet e fundit.
Musk ka deklaruar se synon të fokusohet më shumë tek inovacioni dhe zhvillimi i inteligjencës artificiale brenda Tesla-s, ndonëse investitorët kanë shfaqur skepticizëm për këtë drejtim.
Deri më tani, aksionet e kompanisë kanë humbur rreth 37% të vlerës së tyre gjatë vitit 2025.
Zhvillimet e fundit e vendosin Musk përpara një sfide të rëndësishme: balancimin mes rolit të tij si udhëheqës i një prej kompanive më të mëdha të teknologjisë dhe përfshirjes së tij në skenën politike amerikane.
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
