Ish-futbollistët e kombëtares së Kosovës, Anel Rashkaj dhe Hekuran Kryeziu, janë rikthyer te Kosova, por këtë herë me role të reja në FFK.
Siç bëri të ditur Federata e Futbollit të Kosovës, Rashkaj do të jetë ndihmës trajner i kombëtares U19 si dhe do të jetë pjesë e Departamentit Teknik të FFK-së.
“Anel Rashkaj do të jetë ndihmës trajner i Kombëtares U19 si dhe pjesë e Departamentit Teknik të FFK-së, duke sjellë përvojën e tij të çmuar nga fusha e gjelbër për të udhëhequr të rinjtë drejt suksesit”, thuhet në njoftim, transmeton Klankosova.tv.
Kurse, Kryeziu është emëruar ndihmës trajner i “Dardanëve” U21, thuhet në njoftim
“Hekuran Kryeziu do të jetë ndihmës trajner i Kombëtares U21, duke kontribuar me dijen dhe pasionin e tij për të zhvilluar brezin e ardhshëm të futbollistëve”, tha FFK-ja.
Rikthimin e tyre në Kosovë, FFK-ja e cilësoi si kapitull të rëndësishëm për futbollin në vend.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>