Kryetari i AAK-së, Ramush Haradinaj, ka shprehur ngushëllime të thella për vdekjen e ushtarit të Ushtrisë Çlirimtare të Kosovës, Adem Haxhosaj, duke e përshkruar atë si një nga luftëtarët më të dalluar në rajonin e Dukagjinit.
Përmes një postimi në Facebook, Haradinaj theksoi se shembulli i Haxhosajt si luftëtar dhe atdhetar do të mbetet i gjallë ndër breza.
“Kur po i formonim rreshtat e parë të UÇK-së, ndër të parët që u bashkua me rreshtin e ushtarëve ishte Adem Haxhosaj. Ai ishte një luftëtar i fortë, njëri prej më të zotëve të UÇK-së në Dukagjin. Një jetë në shërbim të Atdheut, si gjatë luftës, ashtu edhe më vonë në uniformën e Ushtrisë së Kosovës,” shkroi Haradinaj.
Ai i uroi ngushëllime familjes, bashkëluftëtarëve dhe gjithë atyre që e njohën, duke shtuar: “I qoftë i lehtë dheu i Kosovës!”
Sinjali – aty ku e vërteta flet para lajmit!