Kryeministri i Shqipërisë, Edi Rama, ka shpërndarë ftesën për pjesëmarrje në protestën që do të mbahet në mbështetje të krerëve të UÇK-së, me kërkesë të organizatorëve të ngjarjes.
“🔴 Me kënaqësi dhe i nderuar t’u bindem organizatorëve për ta postuar këtë ftesë-thirrje🥁
LIRIA KA EMËR 🇦🇱❤️🇽🇰
Nga Kosova, Maqedonia e Veriut, Shqipëria, diaspora e çdo cep i trojeve shqiptare — mijëra zemra do të bashkohen këtë të premte, më 17 tetor, në orën 17:00, për të kërkuar njëzëri DREJTËSI PËR ÇLIRIMTARËT⚖️,” ka shkruar Rama.
Protesta pritet të mbahet në Tiranë dhe synon të shprehë mbështetje për ish-udhëheqësit e Ushtrisë Çlirimtare të Kosovës që po gjykohen në Hagë.
Organizatorët kanë paralajmëruar pjesëmarrje masive nga të gjitha trevat shqiptare dhe nga diaspora.