Kryeministri i Shqipërisë, Edi Rama përmes një postimi në Facebook ka thënë se 300 objekte, bizhuteri e veshje shqiptare janë në Muzeun Etnografik të Budapestit .
Ai njoftoi se në qershor të këtij viti, ky koleksion do të ekspozohet për herë të parë në Shkodër, në Muzeun Marubi.
“300 objekte bizhuteri e veshje shqiptare në Muzeun Etnografik të Budapestit. Një pasuri kulturore e jashtëzakonshme, e cila i është shitur muzeut në Budapest nga Palokë Laca në shek.XX, një personazh që po rilind në dritën e hulumtimeve të thella dhe bashkëpunimit mes Muzeut Marubi dhe muzeologëve hungarezë”.
“Në qershor 2025, ky koleksion unik do të ekspozohet për herë të parë në Shkodër, në Muzeun Marubi, duke ofruar një mundësi të pazakontë për t’u njohur me artizanatin shqiptar dhe lidhjen e tij me kulturat e tjera”, shkroi Rama në Facebook.
*Klikoni KËTU për t´u bërë pjesë e kanalit zyrtar të Klan Kosovës në Viber.
*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
<!–
–>
