Katër gra u vranë nga një sulm raketor iranian në Bregun e pushtuar Perëndimor të mërkurën vonë, në sulmin e parë vdekjeprurës iranian atje dhe i pari që lë palestinezë të vdekur që nga fillimi i luftës amerikano-izraelite me Iranin.
Raketa goditi një sallon për rregullimin e flokëve në qytezën Beit Awwa, në jugperëndim të Hebronit, raportoi agjencia zyrtare e lajmeve e Autoritetit Palestinez, WAFA, transmeton gazeta “The Times of Israel”.
Gjysmëhëna e Kuqe Palestineze tha se një palestineze tjetër u plagos seriozisht. Më vonë, mjekët i thanë agjencisë së lajmeve AFP se numri i të vrarëve ka shkuar në katër.
Ushtria izraelite tha se ka marrë vesh se sulmi ishte shkaktuar nga municioni thërrmues, bombë që shpërndahet në bomba më të vogla që përfshijnë një zonë më të gjerë.
Të paktën 14 njerëz janë vrarë në Izrael që nga fillimi i sulmeve amerikano-izraelite kundër Iranit në fund të shkurtit.
Sinjali – aty ku e vërteta flet para lajmit!
