Shefat e Misioneve të BE-së, i kanë dërguar letër të enjten kryeministrit në detyrë, Albin Kurtit, se asnjëri nga ta nuk do t’i shkojë më në zyrë.
Kështu ka mësuar ekskluzivisht Klan Kosova, ku dhe ka siguruar letrën në fjalë, transmeton Klankosova.tv.
”Në interes të qëndrueshmërisë institucionale dhe respektimit të sundimit të ligjit, vizitorët e nivelit të lartë nga Shtetet Anëtare të BE-së dhe institucionet e BE-së do të përmbahen, përkohësisht, nga mbajtja e takimeve me Kryeministrin në detyrë dhe ministrat brenda ndërtesës së Qeverisë së Kosovës, derisa të jetë në funksion një Qeveri me mandat të plotë”, theksohet ndër tjera në letrën ekskluzive që ka siguruar Klan Kosova.
“Është vendim që e presim me keqardhje. Por është një vendim i pritur”, thotë Frrok Çupi në “Kosova Today”.
Sipas tij, ky vendim erdhi për shkak të disa faktorëve, si moskoordinimi i Qeverisë së Kosovës me aleatët e mëdhenj, nga mosrespektimi i vendimeve të Gjykatës Kushtetuese dhe gjykatave të tjera, si pasojë e sfidave që ka bërë Qeveria e Kosovës ndaj situatave ndaj krizave në rajon, e sipas Çupit kanë ardhur edhe si pasojë e zgjedhjeve, si dhe loja e bezdisshme politike që nuk ka arritur të konstituojë Kuvendin e as ta zgjedh Qeverinë e re.
Ndërsa gazetari Vullnet Krasniqi thotë se vendimi i shefave të BE-së është sinjal për Lëvizjen Vetëvendosje që duhet të formojë Qeverinë sa më shpejt.
E diçka tjetër kishte për të thënë gazetari Arlind Imeri, por që kishte të bëjë me situatën në Parlamentin e Kosovës.
Sipas tij, Lista Serbe po mëson Lëvizjen Vetëvendosje kur të shkel e kur jo Kushtetutën.
The post Qortimi i BE-së ndaj Kurtit, Çupi: Për keqardhje por i pritshëm (VIDEO) appeared first on Klan Kosova.