Në një shtet ku nuk funksionojnë normalisht institucionet kryesore të tij, Amerika nuk llogarit.
Për momentin, vendi më i fuqishëm në botë nuk është duke u mbështetur plotësisht te Kosova, pikërisht për faktin se kjo e fundit nuk ka Kuvend të konstituuar e as qeveri të re, ani se janë bërë 6 muaj nga zgjedhjet e fundit.
Një gjë të tillë e tha e ngarkuara me punë në Ambasadën amerikanë në Prishtinë Anu Parttipati, në një intervistë për Gazetën Express.
Ajo tha se pasiguria institucionale është përgjegjësi e liderëve kosovarë, derisa shtoi se vendi i saj nuk mund të bëjë gjë në situatën e krijuar në vend.
Shtetet e bashkuara, sipas Prattipatit, presin që në zgjedhjet lokale të 12 tetorit t’u mundësohet edhe serbëve për t’i zgjedhur përfaqësuesit e tyre.
Ajo shprehu shqetësimin e administratës amerikane për mënyrën se si u mbyllen institucionet paralele në veri të Kosovës, pa koordinim me komunitetet e prekura.
Prattipati la të kuptohet se vazhdimi i këtyre politikave mund të ndikojë për të keq dhe të kufizojë bashkëpunimin amerikano-kosovar.
The post Qëndrimi amerikan: ShBA s’llogarit shumë në shtet pa institucione (VIDEO) appeared first on Klan Kosova.
