Një aeroplan pasagjerësh Boeing 787-8 Dreamliner i Air India, fluturimi AI171 nga Ahmedabad për në Londër, u rrëzua këtë mëngjes disa minuta pas ngritjes dhe goditi një ndërtesë konvikti për mjekë në kampusin e një spitali mësimor. Në bord ishin 232 pasagjerë dhe 12 anëtarë ekuipazhi, shkruan Gazeta Sinjali.
Zëdhënësi i policisë Jaipal Singh Rathore konfirmoi se aeroplani ra mbi një konvikt për studentë dhe mjekë që po ndjekin specializimin. Mediat raportojnë se disa prej tyre janë plagosur dhe shërbimet e emergjencës po kërkojnë të mbijetuarit mes rrënojave.
Sipas informacioneve fillestare, avioni humbi ekuilibrin menjëherë pas ngritjes dhe u rrëzua në një zonë të populluar vetëm pak kilometra larg pistës. Autoritetet ende nuk kanë dhënë shifra për viktimat, ndërsa operacionet e shpëtimit janë në vazhdim.
Ngjarja rikthen shqetësimet mbi sigurinë e Boeing 787 Dreamliner, i cili ka qenë nën vëzhgim për defekte teknike dhe probleme në cilësinë e pjesëve, duke shkaktuar hetime nga autoritetet ndërkombëtare dhe kritika ndaj Boeing për neglizhencë në procedurat e sigurisë.
Images from inside the building (an undergraduate doctor’s medical college hostel building at a teaching hospital) where an Air #India Boeing 787 Dreamliner crashed earlier today in Ahmedabad, Gujarat: pic.twitter.com/MYUFIn0VCr
— The STRATCOM Bureau (@OSPSF) June 12, 2025
Sinjali – aty ku e vërteta flet para lajmit!
