12:01 / E Diele, 11 Maj 2025 / Gj. Sh
Ndeshja mes Barcelonës dhe Real Madridit është një nga ndeshjet më të ndjekura dhe emocionuese në futbollin botëror.
Derbi i madh spanjoll nihet ndryshe si “El Clasico”, por cila është arsyeja pse quhet kështu?
Historia e ‘El Clásico’ daton në fillim të shekullit XX, kur futbolli në Spanjë po lulëzonte. Real Madrid dhe Barcelona u shfaqën si dy nga skuadrat më të spikatura, duke tërhequr turma dhe duke shkaktuar një rivalitet të pakrahasueshëm.
Termi ‘Klasik’ u popullarizua në vitet 1920 nga mediat e kohës. Këto takime besohej se kishin një rëndësi të veçantë, pasi ato jo vetëm ishin të kufizuara në rivalitetin sportiv, por gjithashtu pasqyronin tensionet politike dhe kulturore midis dy qyteteve dhe rajoneve: Madridit dhe Katalonjës.
Përveç kësaj, fjala ‘Clásico’ nënkupton një konfrontim midis dy ekipeve historikisht të shquara me një bazë të zjarrtë tifozësh. Ky përkufizim përshtatej në mënyrë të përkryer me situatën e Real Madridit dhe Barcelonës në atë kohë, dhe mbeti i vlefshëm gjatë viteve.
El Clásico’ është një ngjarje që jo vetëm tërheq tifozët e të dy ekipeve, por gjithashtu tërheq vëmendjen e miliona spektatorëve në mbarë botën./IndeksOnline/
