Friedrich Merz humbi për pak vota raundin e parë të votimit për t’u bërë kancelari i ri i Gjermanisë, duke marrë një goditje surprizë për partinë e tij CDU.
Merz, që ka qenë politikani favorit për t’u bërë kancelar që kur partia e tij fitoi zgjedhjet federale në shkurt, siguroi 310 vita, 6 më pak nga sa ishte kuorumi i nevojshëm për një mazhorancë në Bundestag.
Dështimi i Merz në votimin e së martës shënon herën e parë në historinë e republikës federale që një kancelar i ardhshëm nuk siguron dot shumicën e votave pasi ka fituar zgjedhjet dhe siguruar një koalicion qeverisës.
Bëhet fjalë gjithashtu për një zhgënjim personal për Merz, i cili e kishte bërë të qartë se priste ta merrte në mënyrë të thjeshtë shumicën në parlament, duke qenë se CDU dhe partneri i saj i koalicionit, SPD, kanë 328 mandate së bashku, kuotë që është edhe më e lartë se 316 votat e kërkuara.
Përmes një komunikate për shtyp, CDU ka shprehur mbështetjen për liderin Merz, duke thënë: “Vendi ynë ka nevojë për stabilitet. Duhet të mbahet një raund i ri votimi dhe me shpejtësi”.
Edhe pse humbja nuk është përfundimtare, një votim i dytë pritet të zhvillohet brenda pak ditësh. Megjithatë rezultati konsiderohet një goditje poshtëruese për Merz, i cili tashmë përballet me dyshime brenda koalicionit dhe sulme nga jashtë, përfshirë kritika të vazhdueshme nga administrata e Presidentit të SHBA-së, Donald Trump.
Analistët besojnë se dështimi për t’u zgjedhur kancelar mund të jetë pasojë e mosvotimit nga ligjvënës të koalicionit për shkak të shëndetit të dobët ose protestës së heshtur politike. Votimi i kancelarit është një formalitet në Gjermani, pasi marrëveshjet e koalicioneve bëhen më herët.
Kancelari në largim Olaf Scholz do të qëndrojë në detyrë përkohësisht derisa situata të zgjidhet. Ndërkohë, planet e Merz për të udhëtuar në Paris dhe Varshavë të mërkurën për të konsoliduar lidhjet evropiane janë pezulluar për shkak të krizës së brendshme politike.
Merz kishte ndërtuar fushatën e tij mbi premtimet për një qasje më të vendosur në politikën e jashtme dhe për forcimin e bashkëpunimit me fqinjët evropianë, por rënia e tij e parë në Bundestag tregon brishtësi të theksuar të koalicionit me SPD-në, e cila vetë ka pësuar rënie historike në mbështetje.
Votimi i ardhshëm do të jetë një provë kyçe për aftësinë e Merz për të mbajtur të bashkuar shumicën e tij parlamentare. Nëse dështon sërish, rritet rreziku për zgjedhje të reja, një skenar që tashmë po promovohet nga Alternativa për Gjermaninë (AfD).
Sinjali – aty ku e vërteta flet para lajmit!
! function(f, b, e, v, n, t, s) {
if (f.fbq) return;
n = f.fbq = function() {
n.callMethod ?
n.callMethod.apply(n, arguments) : n.queue.push(arguments)
};
if (!f._fbq) f._fbq = n;
n.push = n;
n.loaded = !0;
n.version = ‘2.0’;
n.queue = [];
t = b.createElement(e);
t.async = !0;
t.src = v;
s = b.getElementsByTagName(e)[0];
s.parentNode.insertBefore(t, s)
}(window, document, ‘script’,
‘https://connect.facebook.net/en_US/fbevents.js’);
fbq(‘init’, ‘518751155614285’);
fbq(‘track’, ‘PageView’);
