Para ndërtesës së KOSTT-it në Prishtinë po mbahet një protestë nga Sindikata e Pavarur e Punëtorëve të kësaj kompanie, përmes së cilës kërkohet rritje e pagave për punonjësit.
Protesta vjen si reagim ndaj rritjes së vazhdueshme të kostos së jetesës, përballë së cilës, siç thonë punëtorët, pagat e tyre kanë mbetur të pandryshuara, transmeton Klankosova.tv.
Në paralajmërimin për protestën, Sindikata ka theksuar se kërkon nga menaxhmenti që të shqyrtojë urgjentisht mundësitë për përmirësimin e kushteve të punës dhe mirëqenies ekonomike të punonjësve.
Sipas sindikalistëve, kontributi i punëtorëve të KOSTT-it në funksionimin e sistemit energjetik është i madh dhe duhet të vlerësohet përmes trajtimit të drejtë financiar.
The post Protestojnë punëtorët e KOSTT-it, kërkojnë rritje të pagave appeared first on Klan Kosova.
