Sot në orën 14:00, pranë Dhomave të Specializuara të Kosovës në Hagë, pritet të mbahet një protestë e madhe në mbështetje të ish-krerëve të UÇK-së, e organizuar nga bashkëluftëtarë, mërgimtarë dhe shqiptarë nga të gjitha trojet etnike.
Pjesëmarrësit, të ardhur nga diaspora, janë nisur drejt Holandës për të bërë bashkë zërin e tyre kundër, siç e quajnë ata, “padrejtësive që po u bëhen çlirimtarëve”.
Protestuesit janë të pajisur me rreth 100 parulla dhe slogane, të gjitha të shkruara në gjuhën angleze, me qëllim që mesazhi të kuptohet nga opinionin ndërkombëtar.
Organizatorët thonë se qëllimi i protestës është të sensibilizohet drejtësia ndërkombëtare, por edhe të shprehet mbështetja për të akuzuarit në Hagë, të cilët vazhdojnë të gjykohen për krime lufte.
Sinjali – aty ku e vërteta flet para lajmit!