Kryetari i PDK-së, Memli Krasniqi, ka njoftuar se të dielën, më 14 shtator, do të organizohet një protestë në Hagë, në mbështetje të ish-krerëve të Ushtrisë Çlirimtare të Kosovës që po gjykohen në Dhomat e Specializuara.
Krasniqi tha se kjo protestë është një thirrje për drejtësi dhe për të vërtetën, që sipas tij u takon atyre që luftuan për lirinë e Kosovës.
“Të dielën, më 14 shtator, në Hagë, protestojmë për drejtësi. Strukturat e PDK-së në mërgatë, aktivistë dhe qytetarë nga diaspora e nga Kosova, do të jenë aty për të ngritur zërin për luftën e drejtë të Ushtrisë Çlirimtare të Kosovës dhe për çlirimtarët tanë që po gjykohen padrejtësisht.”, shkroi Krasniqi.
Ai gjithashtu theksoi se procesi gjyqësor në Hagë po i afrohet fundit dhe se qytetarët e Kosovës presin me besim lirimin e të akuzuarve.
“Procesit në Hagë po i afrohet fundit, dhe populli i Kosovës pret me besim lirimin e shpejtë të heronjve të saj.”, shkroi Krasniqi në ‘https://www.facebook.com/plugins/post.php?href=https%3A%2F%2Fwww.facebook.com%2Fmemli.krasniqi%2Fposts%2Fpfbid0oHFNFuMZqupzkinmt98hygHurzepNb2cG35NykS9S3UdfJ1VYn1jKLuuQBs1sLoTl&show_text=true&width=500“>Facebook‘.
Sinjali – aty ku e vërteta flet para lajmit!