Prokuroria Themelore në Prishtinë ka kërkuar caktimin e masës së paraburgimit për këngëtarin Besart Kelmendi, i njohur si Gjesti, në Gjykatën Themelore në Prishtinë.
Ai u arrestua të mërkurën dhe dyshohet për tri vepra penale: “Armëmbajtje pa leje”, “Kanosje” dhe “Asgjësim apo dëmtim i pasurisë”.
Lajmin për kërkesën për paraburgim e ka konfirmuar zëdhënësja e Gjykatës Themelore në Prishtinë, Mirlinda Gashi.
Sipas Prokurorisë, këngëtari u ndalua fillimisht për 48 orë dhe dyshohet se ka kryer tri vepra penale.
Sipas Prokurorisë, dyshohet se i njëjti ka kryer veprat penale: ‘’Mbajtja në pronësi, kontroll ose posedim të paautorizuar të armëve’’ sipas nenit 366 të Kodit Penal të Republikës së Kosovës, veprën penale ‘’Kanosja’’ sipas nenit 181 të KPRK-së, si dhe veprën penale ‘’Asgjësim apo dëmtimi i pasurisë’’ në bazë të nenit 321 të KPRK-së.
Sinjali – aty ku e vërteta flet para lajmit!
