Një 63 vjeçar është arrestuar mëngjesin e sotëm në fshatin Romajë të Prizrenit, pasi i njëjti dyshohet se e ka sulmuar me sëpatë vëllain e tij.
Rastin për Klankosova.tv e ka konfirmuar zëdhënësi i Policisë për rajonin e Prizrenit, Shaqir Bytyqi.
Bytyqi tha se i dyshuari është shoqëruar në polici dhe me vendim të Prokurorit është ndaluar për 48 orë.
“Sot, më 14.09.2025 rreth orës 09:00, në fshatin Romaj – Prizren, është raportuar një rast i sulmit fizik me mjet të fortë (sëpatë), ku i dyshuari (Sh.U., 63 vjeçar) ka sulmuar vëllain e tij (R.U., 72 vjeçar)”, deklaroi ai për Klankosova.tv.
“Me urdhër të Prokurorit të Shtetit është kryer bastisje në shtëpinë e të dyshuarit, ku janë gjetur dhe sekuestruar një sëpatë, disa thika, një shufër metalike dhe një boks metalik.”
The post Prizren: E sulmoi me sëpatë vëllain, arrestohet 63 vjeçari appeared first on Klan Kosova.