Besa Shahini po synon që Prishtinën ta bëjë vend më të mirë për fëmijët. Kështu ka deklaruar ajo në Rubikon të Klan Kosovës, pasi ajo i ka hyrë garës për të udhëhequr kryeqytetin.
Sipas Shahinit për veç banim më të mirë, fëmijët kanë nevojë për arsim cilësor dhe hapësira publike që mund t`i shfrytëzojnë në vazhdimësi pa pengesa.
“Vizionin që ne e kemi për Prishtinën është që ta bëjë qytetin më të mirë për fëmijët, duke u ofruar banim i cili është më i lirë e më i qasshëm, duke ofruar çerdhe, kopshte e shkolla që njëherë e përgjithmonë ta zgjidhim çështjen e arsimit në Prishtinë, e cila nuk është mirë vetëm për fëmijët të cilët do të rriten një ditë do ta udhëheqin këtë qytet, është mirë edhe për ekonominë e vendit”.
“Një vend i vogël si Kosova, kjo është e vetmja gjë që mund të bëjë për të kontribuar në zhvillimin e vet ekonomike. Dhe e treta një qytet i cili është i mirë për fëmijët, ka hapësira publike ku fëmijët luajnë, socializohen e nuk po flas vetëm për parqe edhe kënde të lodrave, flas edhe për rrugën që shkojnë deri në shkollë, për trotuarin, për hapësirat e gjelbra”, tha Shahini. /Klankosova.tv
The post Prishtina për fëmijët – Besa Shahini me plan për banim, çerdhe dhe shkolla publike (VIDEO) appeared first on Klan Kosova.