Presidenti iranian Masoud Pezeshkian ka deklaruar se kërkesa e presidentit amerikan Donald Trump për dorëzim pa kushte është një “ëndërr që ata duhet ta marrin me vete në varr”.
Ai gjithashtu ka kërkuar falje për sulmet e Iran ndaj shteteve të rajonit, duke theksuar se Teherani do t’i ndalojë ato dhe duke sugjeruar se keqkomunikimi brenda strukturave të vendit ka qenë shkak, raportoi AP.
Megjithatë, deklarata e tij është transmetuar pas sulmeve të përsëritura të shtunën në mëngjes ndaj Bahrejnit, Arabisë Saudite dhe Emirateve të Bashkuara Arabe.
Pezeshkian ka shtuar se këshilli udhëheqës i vendit ka qenë në kontakt me forcat e armatosura lidhur me këto sulme.
“Duhet t’u kërkoj falje vendeve fqinje që u sulmuan nga Irani, në emrin tim”, theksoi presidenti.
“Që tani e tutje, ato nuk duhet të sulmojnë vendet fqinje ose të qëllojnë me raketa drejt tyre, përveç nëse sulmohemi nga ato vende. Mendoj se duhet ta zgjidhim këtë përmes diplomacisë”.
Sinjali – aty ku e vërteta flet para lajmit!
