Njësia Rajonale e Komunikacionit Rrugor në kuadër të DRP-Gjakovë ka sekuestruar 53 motoçikleta.
Përveç kësaj, gjatë periudhës 1 javore policia ka bërë të ditur se ka shqiptuar mbi 1 mijë e 29 gjoba për kundërvajtje të ndryshme dhe janë marrë si masë mbrojtëse 32 patentë shoferë për shkelje të rënda të rregullave të trafikut, njofton Klankosova.tv.
“Njësia Rajonale e Komunikacionit Rrugor në kuadër të Drejtorisë Rajonale të Policisë në Gjakovë vazhdon angazhimin për rritjen e sigurisë në trafik dhe parandalimin e aksidenteve.
Për shkak të numrit të lartë të kundërvajtjeve dhe aksidenteve fatale me motoçiklistë, janë ndërmarrë masa të shtuara kontrolluese dhe ndëshkuese.Njesia e Motoçikletave gjatë periudhës 15–22 qershor 2025, kanë sekuestruar 53 motoçikleta për shkelje të tilla si:
Tejkalim i shpejtësisë së lejuar;
Mosvendosje e helmetës mbrojtëse;
Mungesë regjistrimi të mjetit;
Mospagim i detyrimeve doganore.
Përveç këtyre masave, gjatë kësaj periudhe janë shqiptuar 1,029 gjoba për kundërvajtje të ndryshme dhe janë marrë si masë mbrojtëse 32 patentë shoferë për shkelje të rënda të rregullave të trafikut”, thuhet në njoftimin e policisë në Facebook.
The post Policia në Gjakovë sekuestron 53 motoçikleta appeared first on Klan Kosova.
