Mbi 500 kilogramë bimë narkotike të llojit marihuanë janë gjetur dhe sekuestruar të martën në një fshat të Suharekës.
Policia ka njoftuar se vlera e kësaj sasie arrin rreth 750 mijë euro. I dyshuari për këtë rast ndodhet në arrati.
“Në vendin e ngjarjes është ftuar edhe prokurori, kurse pos lëndës narkotike është gjetur edhe një granata-hedhës (mortajë dore) dhe një pushkë gjuetie. Pas peshimit të lëndëve narkotike ka rezultuar se pesha totale ishte 512 kg e 89 gr, vlerësohet se vlera e tregut është rreth 750 mijë euro.”, thuhet në njoftimin e Policisë.
Po ashtu, bëhet e ditur se në vend-ngjarje janë gjetur dhe konfiskuar dëshmi relevante me rastin.
Sipas policisë, bimët narkotike janë gjetur në një stallë, gjatë procesit të tharjes.
Sinjali – aty ku e vërteta flet para lajmit!