E enjte, 10 Korrik, 2025
spot_img
HomeLajmePolicia jep detaje shtesë për plagosjen në Gjakovë

Policia jep detaje shtesë për plagosjen në Gjakovë

Policia ka dhënë detaje shtesë lidhur me plagosjen e shtetasit të Shqipërisë, në fshatin Nec të Gjakovës.

Zëdhënësi i policisë për rajonin e Gjakovës Sheremet Elezaj, në një përgjigje për Klankosova.tv, bëri të ditur se viktima është i moshës 28-vjeçare dhe se ngjarja ka ndodhur në rrugën Morinë – Gjakovë.

Detaj shtesë që ai dha është se në vendin e ngjarjes janë gjetur tri fishekë dhe dy gëzhoja.

“Lidhur me këtë ngjarje është njoftuar prokurori për Krime të Rënda, me vendimin e të cilit është iniciuar rast vrasje e mbetur në tentativë. Hetimet po vazhdojnë për të sqaruar rrethanat dhe për të identifikuar të dyshuarit”, tha Elezaj.

Ai tregoi se njoftimin për ngjarjen e kanë pranuar rreth orës 12:25, ndërsa theksoi se viktima është jashtë rrezikut për jetën.

Gjakovë: Plagoset shtetasi i Shqipërisë, sulmuesit “i kërkuan ndihmë për automjetin në defekt”

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.

<!–

–>

LAJME TË NGJASHME

LAJMET E FUNDIT