Peshkopi i Lincoln-it, Stephen Conway, është arrestuar nën dyshimin për sulm seksual.
Policia e Lincolnshire konfirmoi se një burrë 68-vjeçar është arrestuar si pjesë e një “hetimi të vazhdueshëm pas një pretendimi se një burrë është sulmuar seksualisht mes viteve 2018 dhe 2025”. Peshkopi Conway është liruar me kusht në pritje të procedurave të mëtejshme, raporton skynews, transmeton Sinjali.
Më herët, në një deklaratë të publikuar në faqen e Dioqezës së Lincoln-it u konfirmua se peshkopi ishte “pezulluar nga shërbimi” pas një ankese të bërë në ekipin kombëtar të mbrojtjes së Kishës së Anglisë.
Në deklaratë thuhej se “mbështetje është vënë në dispozicion për ata që janë prekur” dhe se një referim është bërë tek “autoritetet përkatëse ligjore”.
Nuk u dhanë detaje për përmbajtjen e ankesës.
Në deklaratë shtohej: “E kuptojmë se kjo do të jetë një periudhë thellësisht shqetësuese”.
Peshkopi i Grantham-it, i nderuari Dr. Nicholas Chamberlain, do të marrë përsipër detyrat gjatë periudhës së pezullimit.
Stephen Conway ka qenë Peshkop i Lincoln-it që nga viti 2023 dhe më parë ka shërbyer si Peshkop i Ramsbury-t dhe Peshkop i Ely-t. Ai ka qenë anëtar i Dhomës së Lordëve që nga viti 2014.
Sinjali – aty ku e vërteta flet para lajmit!
