Kryetari i Prishtinës, Përparim Rama, ka publikuar një video-mesazh në rrjetin social Facebook, një ditë para zgjedhjeve.
Ai ka thënë se rruga që e ka nisur, nuk ndalet, duke theksuar projektet e mëdha të realizuara.
“Më të dashurit e mi, qytetarë të Prishtinës, katër vite më parë nisëm bashkë një rrugëtim të ri për kryeqytetin tonë, me përkushtim e dashni për Prishtinën, që ta bëjmë kryeqyteitn më funksional, më të gjelbër e më modern, ashtu siç i takon. Kemi nisur një rrugë që nuk ndalet, rrugën e projekteve, të mëdha, të punës e zhvillimit, e të kthimit të dinjitetit qytetar për fëmijët e familjet. Një Prishtinë që i shërben qytetarit të saj, por puna jonë nuk ka përfundu. Prishtina ka nevojë ta vazhdojë vizionin e saj përtej çdo vështirësie, me projektet e mëdha, të rrugëve e infrasturkturës, me shkollat me mësim-tërëditor e kopshte të reja, me ambulanta shëndetësore në shëbrim të fëmijëve, nënave, vajzave, të moshuarve e secilit qytetar”, tha Rama.
Ai tha se qytetarët duhet të votojnë për punën e cila nuk u ndal asnjëherë në Prishtinë.
“Për ta çuar këtë vizion deri në fund na duhet një fitore tjetër. T’i përfundojmë projektet që i kemi nis me dashni e përgjegjësi. Ta çojmë Prishtinën përtej. Falemidnerit nga zemra për çdo qytetar që na ka mbështetur e besu nga dita e parë, për vullnetarët, për ekipin tim. Faleminderit nga zemra. E diela është dita e demokracisë, e nesër është dita e fitores së Prishtinës, qytetar votoni për punën që s’u ndal asnjë ditë, për përkushtimin që shihet në secilën lagje e secilin projekt”, tha ai më tutje.