Ambasada e Iranit në Serbi ka lëshuar një mesazh në përvjetorin e bombardimeve të NATO-s në Republikën Federale të Jugosllavisë në vitin 1999, duke e krahasuar ndërhyrjen me luftën aktuale midis Shteteve të Bashkuara dhe Izraelit kundër Iranit.
“24 Mars 1999: një datë që do të mbahet mend përgjithmonë. 27 vjet më parë, NATO nisi një agresion të paligjshëm 78-ditor kundër Serbisë, duke shkelur ligjin ndërkombëtar pa një mandat nga Këshilli i Sigurimit i OKB-së”, shkroi ambasada në mediat sociale.
Tutje, thuhet se sulmet “qëllimisht shënjestruan objekte civile, duke përfshirë shkolla dhe spitale”, dhe se shumë civilë dhe fëmijë u vranë.
Ambasada iraniane pretendon se “historia po përsëritet tragjikisht sot përmes agresionit të paligjshëm dhe kriminal të Shteteve të Bashkuara dhe Izraelit kundër Iranit”.
“Nga Beogradi në Teheran, i njëjti model dhune dhe shpërfilljeje për ligjin ndërkombëtar dhe jetët njerëzore është i dukshëm”, thonë ata.
Postimi thekson më tej se Serbia dhe Irani janë “simbole të rezistencës dhe sfidës” dhe se ata do të “mbeten të fortë dhe të bashkuar”.
Ambasada e shoqëroi postimin me një ilustrim që tregonte flamujt e ndërthurur të Serbisë dhe Iranit. /Klankosova.tv
March 24, 1999: A date that lives in infamy.
27 years ago, NATO launched an illegal, 78-day aggression against Serbia, violating international law without any UNSC mandate. The bombing deliberately targeted civilian infrastructure, including schools and hospitals, and led to the… pic.twitter.com/I447kFaEGh— I. R. Iran Embassy in Serbia (@IraninSerbia) March 25, 2026
