Termokos ka dhënë një lajm të mirë për qytetarët.
Kjo ndërmarrje, sot ka bërë të ditur se për herën të parë prej ekzistimit të saj, ka nisur sezonin e ngrohjes tetë ditë para afatit.
Arsyeja për këtë vendim është përkeqësimi i kushteve atmosferike.
“NP “Termokos” dhe KEK-u po hyjnë në sezonin e 10-të bashkëpunimit të suksesshëm, përmes të cilit po sigurohet një furnizim i qëndrueshëm dhe cilësor për mbi 25 mijë konsumatorë. Duke qenë se sistemi i ngrohjes është shumë kompleks dhe delikat, procesi i fillimit të operimit do të zhvillohet me kujdes të shtuar, duke e ngritur gradualisht kapacitetin e pranimit dhe shpërndarjes së energjisë termike”, thuhet në njoftimin e Termokosit transmeton Klankosova.tv.
“Andaj, kërkojmë mirëkuptimin e konsumatorëve tanë, ngase nevojiten disa orë derisa ngrohja të arrijë në radiatorët e tyre”, përfundon njoftimi transmeton Klankosova.tv.
Sezoni i ngrohjes, Termokos i gatshëm të fillojë para afatit ligjor
The post Për herë të parë në histori, Termokos nis sezonin e ngrohjes tetë ditë para afatit appeared first on Klan Kosova.